मेरो सपनामा
मेरो विपनामा
पल-पल बितिरहेका
मेरा जीवनका अभिप्रायसित
संग्लग्न तिमी
तिम्रो सम्मोहनले छोएपछी
प्राप्तिका लिप्साले आकर्षित मस्तिष्क
तिम्रा जादुमय लावान्यले भावविह्वल छन् संसार
मेरो प्रेमका सौगातहरू
रक्ताम्ये छन् तिम्रा हत्केलामा
तिम्रो निष्ठुरताको पराकाष्टालाई
मेरा आँधीमय रातहरूले
मत्थर पार्ने छ
अनि तिम्रो कुरूपतालाई
चिरा-चिरा पारेर
म नयाँ प्रणयको
बीज छर्न चाहन्छु
म आदिम तर वैज्ञानिक संसार
आफ्नै हातले रङ्गाउन चाहन्छु।
No comments:
Post a Comment